注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

陶言無忌 陶傑

專欄作家陶傑文章分享

 
 
 

日志

 
 
关于我

哪裡有自由、哪裡有品位,哪裡就是我的家

网易考拉推荐

09年有冇和平睇奧巴馬  

2009-01-02 21:27:28|  分类: 默认分类 |  标签: |举报 |字号 订阅

  下载LOFTER 我的照片书  |

02.01.2009
09年有冇和平睇奧巴馬 - 陶杰 - tao-yanwuji的博客 09年有冇和平睇奧巴馬 - 陶杰 - tao-yanwuji的博客 09年有冇和平睇奧巴馬 - 陶杰 - tao-yanwuji的博客 09年有冇和平睇奧巴馬 - 陶杰 - tao-yanwuji的博客 09年有冇和平睇奧巴馬 - 陶杰 - tao-yanwuji的博客  

2009年嘅世界將會係點?好大程度就睇下世界總統奧巴馬1月20日埋位之後,將會點樣大施展佢嘅拳腳。

 

世界總統奧巴馬舊年可以講係全人類嘅風雲人物,全年都係佢玩哂!十個月之前,佢仲係寂寂無名,係一個伊利諾州嘅一個參議員,但係一路「木人巷」打出嚟,力克麥堅,跟住又力克希拉莉,跟住就橫掃麥堅,最後就登上呢個白宮嘅寶座,顯現咗非凡嘅膽色、個人嘅口才,同埋領袖嘅魅力。

 

只不過未來嘅一年,唔好講話美國嘅經濟百孔千瘡,汽車廠又嗌救命,跟住嗰個華爾街又重傷,淨係睇國際嘅局勢已經係火頭處處,度度都有熱點。例如呢個阿富汗同埋伊拉克,奧巴馬競選嘅時候曾經講過要由伊拉克撤軍,但係增兵阿富汗。如果佢上台之後,將佢嘅競選諾言付諸於實踐,無形中又會令到美國成為一個世界警察,一樣爭議嘅角色。咁都不特止,增兵呢個阿富汗,打贏阿富汗嘅阿蓋達殘餘勢力嘅把握細過喺伊拉克。如果要咁做,美國至少要增兵三萬,喺呢個時候,又要拉住忠實嘅盟友英國,兩兄弟一齊上、挨義氣。但英國首相白高敦就已經意興闌珊,話就算你去打阿富汗,我陪你玩都係「係咁易」,你出雞,我最多出多啲豉油啫。所以未來呢一年,如果奧巴馬增兵阿富汗嘅話,主要都係美國一個國家就對阿富汗山區裏面嘅恐怖組織殘餘勢力開戰。

 

另外仲有南亞次大陸,印度同埋巴基斯坦之爭。喺舊年年底孟買嗰度,嗰個酒店大爆炸令到印度政府遷怒於巴基斯坦政府,幾乎都已經講到明如果炸多一次,就絕對唔客氣,就唯巴基斯坦政府是問:唔係話佢去策畫恐怖組織,而係話佢不斷縱容,同埋清剿巴基斯坦國內嘅恐怖勢力完全係無力;如果你無力,就惟有我出手,一旦出手,當然就係侵犯主權,令人恐怖嘅就係巴基斯坦同埋印度都擁有核武器,呢一個火藥庫一旦爆炸,後果不堪設想。

 

呢兩樣都仲係奧巴馬上台之後,面臨嘅其中一小部分問題,另外仲有咩溫室效應、地球暖化,另外仲有呢個叫俄國崛起,虎視眈眈嘅普京就唔係善男信女,另外仲有北韓仲玩唔玩核彈等等,張張試卷都係充滿難題。2009年呢個世界會唔會有和平,主要就睇下世界總統奧巴馬,入到課室點樣連中三元,三科嘅考試都要考個A返嚟喇。

  评论这张
 
阅读(374)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017