注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

陶言無忌 陶傑

專欄作家陶傑文章分享

 
 
 

日志

 
 
关于我

哪裡有自由、哪裡有品位,哪裡就是我的家

网易考拉推荐

政府資助大學畢業生到商界就業   

2009-02-21 23:13:28|  分类: 默认分类 |  标签: |举报 |字号 订阅

  下载LOFTER 我的照片书  |

20.02.2009
政府資助大學畢業生到商界就業  - 陶杰 - 陶言无忌 政府資助大學畢業生到商界就業  - 陶杰 - 陶言无忌 政府資助大學畢業生到商界就業  - 陶杰 - 陶言无忌 政府資助大學畢業生到商界就業  - 陶杰 - 陶言无忌 政府資助大學畢業生到商界就業  - 陶杰 - 陶言无忌  

為咗紓解金融海嘯之下嘅經濟困局,同埋越嚟越增長嘅失業人口,特首就提出建議,話由公帑去津貼一啲企業去僱用一啲啱啱畢業出嚟未搵到嘢做嘅大學生做實習。

 

咁嘅建議,是否可行呢?當然,動機非常之良好。但係,第一,就犯咗政府干預之手去搞市場嘅一個大忌。第二,就係如果你津貼今年畢業搵唔到嘢做嘅大學生做實習嘅話,咁就會有人問,點解淨係大學生呢?副學士畢咗業出嚟一樣搵唔到嘢做,而且蒙受失業嘅威脅更大,咁應唔應該同樣去津貼副學士呢?

 

除咗副學士之外,有好多讀完中七出嚟,雖然成績好好,但係無錢交學費,無辦法去升讀大學,係理論上,佢哋要被逼出嚟搵嘢做。如果搵唔到嘢做嘅話,政府係咪亦都應該唔好歧視中七畢業,出嚟即刻失業嘅呢一班讀書郎呢?另外,仲有IVY呢啲職業培訓局,同埋毅進展翅又點呢?

 

另外,一個大學生出咗嚟搵唔到嘢做,或者另外一個出咗嚟搵到嘢做,點知就做咗四個禮拜,就畀老闆以種種莫需有嘅罪名炒咗魷魚。咁嗰個做得四個禮拜,又變咗失業嘅大學生,又是否有權利去申請政府公帑對於實習嘅補貼呢?

 

如果唔得,因為呢個唔係你第一份工,咁呢個大學生又有無上訴嘅權利呢?一旦上訴,佢上訴嘅個案係咪應該由政府派專人去處理跟進呢?如果係咁嘅話,政府又要花幾多公帑同埋幾多人力資源去派呢啲表格,跟住處理呢啲表格,每一個個案去審閱,然後就好似盲婚啞嫁咁,將某一個大學生就分配畀A公司,而另一個大學生又分配畀B公司;如果A同B公司對於政府分配嚟嘅學生要求實習覺得不滿,三日之後,又打返回頭,咁政府津貼嘅嗰筆錢又點計呢?係咪嗰個學生要嘔番出嚟呢?定係一個公司淨係退款就搞掂。

 

凡此種種,好多技術嘅問題,似乎就唔係話得個「講」字咁簡單。政府嘅出發點非常之良好,但係有時亦都要提防下頭腦唔好突然間過熱,講咗一個行起上嚟係非常之錯綜複雜嘅所謂建議,又係個社會度引起沒完沒了嘅爭論。

  评论这张
 
阅读(355)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017