注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

陶言無忌 陶傑

專欄作家陶傑文章分享

 
 
 

日志

 
 
关于我

哪裡有自由、哪裡有品位,哪裡就是我的家

网易考拉推荐

泰國政變今次要流血  

2009-04-14 19:46:36|  分类: 默认分类 |  标签: |举报 |字号 订阅

  下载LOFTER 我的照片书  |

14.04.2009
泰國政變今次要流血 - 陶杰 - 陶言无忌 泰國政變今次要流血 - 陶杰 - 陶言无忌 泰國政變今次要流血 - 陶杰 - 陶言无忌 泰國政變今次要流血 - 陶杰 - 陶言无忌  

泰國發生紅衫軍暴亂,總理阿披實成個明星咁嘅風範,只不過係40幾歲,俾呢一場大暴亂就搞到措手不及,終於就出動軍隊,血腥鎭壓。到目前為止,啲軍隊喺曼谷嘅鬧市開槍,「噼嚦嘭喇」就已經打傷咗幾十人喇。

 

呢一場嘅暴亂,其實就冰凍三尺,因為他信前總統假假地都喺民主憲政之中,曾經兩次係當選上台,但係由於他信做咗總理之後,佢嘅施政就向泰國嘅農村一帶嘅窮人傾斜,即係話,佢好多嘅政策係偏幫咗曼谷以外嘅鄉村地區嘅貧民,於是就得罪咗曼谷同埋泰國一啲大城市嘅中產階級。無幾耐之前,紅衫軍就仲未出現,嗰陣時有另一隊嘅黃衫軍走出街頭,就用政變嘅方式推翻他信,搞到佢流亡海外,而且佢涉嫌貪污嘅醜聞,亦都一一係曝光。

 

今次點解紅衫軍報復?就係覺得泰國嘅軍方係採取雙重標準,上次黃衫軍出嚟推翻他信,軍方就袖手旁觀,但係今次輪到紅衫軍去推翻、或者抗議現任嘅總理呢,嗰啲軍方就非常之踴躍,同埋積極插手參與咯,咁樣就會令到泰國嘅民情更加繃緊。事實上,以曼谷為中心,泰國嘅城市經濟,30年來崛起嘅速度好快,曼谷喺30年前,李小龍所主演嘅《唐山大兄》裏面有好多外景,嗰陣時,曼谷仍然係一個好平坦嘅城市,周圍都係木搭嘅屋,最多只係得三、四層,而且街道寬敞,無乜嘢人。十幾年之後,由於日本同埋美國嘅資金大量湧入曼谷,曼谷嗰個城市嘅建設急速膨脹,已經變咗好似旺角同埋中環咁。

 

喺一個咁失衡嘅經濟膨脹發展之下,自然城鄉嘅差別就大為尖銳,慢慢城市嘅技術,中產人口躍升,就會係揀自己嘅代理人上台做總理。泰國雖然有君主立憲,蒲眉王呢一位國王嘅民望好高,但係由於佢年時已高,近年又傳出健康有問題,相信連蒲眉王宜家已經無力回天。所以泰國嘅一場暴動搞到連東盟高峰會都無得開,係城市同埋農村嘅差別,亦即係城市代表咗暴富嘅人口,而農村係代表咗赤貧、或者至少係低收入嘅人士,佢哋嘅矛盾無辦法喺議會民主嘅呢個制度之中得到解決,反而係更加緊張,因為據聞他信喺競選嘅時候大手筆,向農村嘅選民係俾錢買票,搞到農村嘅貧民就覺得他信係佢哋嘅領袖,民主點樣係可以避免金錢同埋權力嘅勾結呢?呢啲喺第三世界,一直係一個無辦法解決嘅問題,睇嚟泰國20年來,每一次政變都以不流血係喜劇收場,今次好可能係例外喇。

  评论这张
 
阅读(459)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017